RSS

Friday, June 12, 2009

صوريصار يامسعود


ايون والله صوريصار يامسعود يامين يجيبك ليه دلوقتى يامسعووود

المصيبة السودا بقى انى معنديش مسعود اقوله على الصورصار اللى قلق راحتى وفضل مسهرنى للفجر وانا راجعه من السفر تعبانه وهموت وانام واذ فجأة سمعت صوت بيخرفش احم احم تهيؤات يابت اتغطى كويس وسدي كل المنافذ اللى ممكن هذا الكائن المؤذى انه يدخلك منها فأشد الغطا على عنيه حسيت انى هموت قولت ما بدهاش بقى اصحى اختى الصغيرة

انا : جوجو جوجو

وانا بزق فيها بحنية طبعا عشان تصحى وهى ولا هنا

وبكل رقة وادب ترد هى عليا :عايزه ايييييييييييييييييييييه كان ناقص تطلعى المطوه اللى تحت المخدة

انا : قومى نورى النور بسرعة

هى : ليييييييييييييييييييييييييييييه بكل هدووووء طبعا

انا :عشان فى صورصار فى الاوضه

جوجو قامت وهى طبعا ناقصلها تكه وتولع فيا لانى اصلا انا اللى نايمه على طرف السرير ناحية مفتاح الكهربا مش هى

فتحت النور بكل شياكة وبصيتلى وبصوت عذب قالتلى وهى كاتمه غيظها باسنانها : هو احنا هنام فى النور ولا ايييييييييييه؟؟؟؟؟؟؟؟؟؟؟؟؟؟؟؟

طبعا كنت انا اول مالنور نور قومت جرى ابحث عن مصدر الصوت وبعد متأكدت ان هذا المدعو صورصار كان فوق السرير وان اول منورنا نزل جرى تحته وانه مازال حى يرزق كان استحاله ان انا وهو نفضل فى مكان واحد كان حد فينا لازم يضحى ويسيب الاوضه وطبعا لان الصورصار اكيد شقيان طول النهار ياعينى وبيجرى على كوم صراصير ياعيني قومت انا بقى رفقا به وبعائلته المصرصرة ياعيني قررت اتنازل واضحى واسيبله الاوضه والشقه كلها قولت ادى لجوجو خبر عشان تبقى على علم –واهو اخوفها وتبقى مصلحه تطلع معايا تنام فى الشقه اللى فوق لانى بخاف انام لوحدى -

تقوم تقولى وايه يعنى صورصار وراحت نامت وكانى بشتكيلها من ناموسه مثلا


روحت انا بقى زى الشاطره خدت مفتاح الشقه اللى فوق وطلعت كانت الساعه 2 بليل طبعا انا اصلا بخاف انام لوحدى رغم انى كنت خلاااااااااص خلصانه جدا ومرهقه وهمووووت وانام فاضطريت مضطره افتح النت تانى اهو ونس برضه وقعدت اون لاين وشاركت كل السهرانين معايا من كل ارجاء مصر المحروسه على الفيس بوك والميل وحكتهلم حكاية الصورصار اللى بسببه معرفتش انام ولا اروح الشغل تانى يوم لانى طبعا انا مش نمت لحد ماهو خرج راح ع البلاعه اللى فى اول الشارع عشان يفطر ويجرى على رزق عياله صراصير مكافحه فعلا وانا بقى امة محمد تتصل بيا م الشغل لان كان لازم اروح وعندنا لجنه وانا طبعا مش نمت غير بعد الفجر عملت تليفونى صامت وسيبتهم يرنوا

المهم بقى كان فى حد من المعلقين على الفيس بوك شايف ان ايه يعنى صورصار ايه اقصى حاجه يعملها يعنى يمشى عليا ؟ وبيتسائل وكأن ان صورصار يمشى عليا ده حاجه عادى كده يعنى

ياااااااااااى كائنات مقرفه فعلا ولما بقى ادوخها بالمبيد وانده لجوجو تموتها وتفعصها وتطلع دم ابيض يععععع حاجه قرف جداااااااااا ويسلام لو كان صوصو بيطير تبقى كملت

انا بكررررره الصراصير جدا روحت تانى يوم اشتريت ريد عشان انتقم نيهاهاهاههاهاهاها وشنيت حرب شنيعه عليهم وتم القضاء على العائله بأكلمها ولدينا اسرى فى برطمانات للى عايز يشمت ويحتفل معايا ونرفع سوا شعار حياه بلا صراصير ولو حد عايز يشرح برضه احنا فى الخدمة


المشكله انى بقيت مصرصره كل شويه اتخيل ان فى صورصار بيطير ومش يطلع فى حاجة بقى عندى فوبيا صراصير بجد حاجه مش معقووووله بكررررررررهم

وطبعا من هنا ظهرت اهمية مسعود فى حياة كل بنت

نصيحة مهمه جدا لازم يابنات يكون فى حياتكم مسعود

واهو ظل مسعود ولا ان انك تكون بفوبيا الصراصير موعود

9 comments:

Hayam said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يخرب بيتك فطست من الضحك

وايه القالب النيلة ده كل ماحد عاوز يعمل تعليق بعد مايكتب لي نفسه فيه يقوم ايه دايس على زر بوست كومنت يقوم التعليق طاير وهو ياحبة عيني طالع عينه فيه اساسا

احنى حنخلي الناس تدعي علينا ولا ايه ياست ام صرصار انتي؟


ومرة تانية ماتستنجديش بجو بجو
دي بلية ولو مؤاخذة وانتي مش داريانة بحاجة انتي منيمة جنبك اسطى عجلاتي


وبلاش تصحيها مرة تانية المرة ادي جت سليمة المرة الجاية احتمال تسيبلك علامة فوسك ولا حاجة محدش ضامن الظروف تكونس تحلم بحد جاي يسرق منها عجل ولا حاجة فجأة تلاقي مفتاح 17 دايس وجايب جون فعينك منعرفش يصلحلك الوش المعيوب ده قبل ما مسعود يجي

واخيرا وليس اخرا
اساسا الصراصير تعملت عشان كل بنت تعملها مسعود احتياط ولو كانت جدعة وبتقكر كويس تستبدل مسعود فشبش مقاس 32 نايلون وهي تبقى في اللذاذة اخر تمام

تصبحي على خير يا بتاعت مسعود انتي

dr.gesho said...

كل ده عشان صرصار
امال لو كان فار كنتى عملتى ايه
ياللا كل صرصار و انتى طيبه
ويا رب تلاقلى مسعود بقى

ديالا said...

صرصار يارحيل

يادي الفضيحه

ده انا كنت بفكر ان مصر تعمل جيش للبنات تيجي انتي وتقولي صرصار
وربنا احنا بنات اخر روقان

وملحوظه صغيره

(انا عن نفسي بترعب من الصراصير ومره وقفت علي سور البلكونه عشان هو كان ماشي حضرته بيتمخطر علي الارض

مع حبي

رحــــيـل said...

غير معروف

بيسو معلش بجد
شوفى انتى بعد كده تسيفى الكومنت قبل متنشريه انا بعمل كده دايما اصل عمك بلوجر ده بحالاااااااااااااات
معلش ياقمر تتعوض ان شاء الله
حقك عليا

رحــــيـل said...

هيااامى

وحشانى يابت موت والله
القالب النيله ده اتغير عشرتلاف مره مانتى عارفه اللى فيها اكتر منى

وبعدين مالك محسسانى كده انك كنت بتصلحه عربية بيسو وانتى بتكتبى التعليق ده مفتاح ايه ومفك ايه اللى بتحكى فى ايه
ده اان البت جوجو اختى نسمايه انتى عارفها طبعا خدى الكلمه واسكتى اقفلى عليها بدل ماتيجلنا هنا هتشرحنا احنا الاتنين هههههههههه
وبعدين لا غنى عن مسعود يابنتى عشان يستعمل هو الشبشب مقاس 38 ويقتل بيه الصراصير اصل انا بقرف اقتلهم

شوفتى بقى مهمين ازاى
هههههههههههههه

رحــــيـل said...

ديالا

ده صورصار يابنتى
انا موافقه اروح جيش
بس صرصار لاء لاء
ههههههههههههههه

يعنى الحال من بعضه اهو طيب بس اما اشوفك
منوره البلوج

رحــــيـل said...

دكتور جيشو

شوفت يااحمد كل ده عشان صوريصار
لاء لو فار هبات عند الجيران بقى
ههههههههههههههه
اميييييييييين ياااارب ايون انا عايزاك تدعى بضمير دايما
تحياتى وتقديرى

thunder said...

هههههههههههههههههه
اول مرور ليا فى المدونة وظلها خفيف من اول بوست اقرائه لكن اولا انا مش بخاف منه لكن ميمنعش انى برضوا بتضايق منه لانه كمان للى بيستخف بيه ممكن بيقرص ودا عن تجربة يعنى علشان محدش يعترض ويقول كدب
..
بس عارفة غلطانة بدل ريد وبايجون وبيرسول وكيروكس وكدا كنتى بى ابو وردة ووره ولا مسعود ولا غيره هههههههههههه ودا كان انسب حل و بجد نوع ما معاكى ان فى ناس بتخاف جدا حتى من شكله وناس عندها انتكاريا او حساسية لو مر من جامبها واعتقد ولله الحمد انك مش من الحالة العالية دى رغم انك بتخافى منه لكن مش للدرجة العالية
اختى العزيزة وبنت بلدى سعيد بتعرفى على التدونية الجميلة دى
دمتِ يارب بكل حب و ود وفى رعاية وحفظ الله دائمااا

amgad elkahwagy said...

ياسلام
اهو كده الواحد يحمد ربنا من قلبه
اخيرا عرفت رسالتي في الحياة

Post a Comment