RSS

Thursday, May 28, 2009

مساء التهيس




لالالالا مش معقول مش مصدقة إنى بدأت اكتب في التدوينة دى بعد اكتر من ساعتين بنشد فى شعر بعض وكل حد فى فينا فى بلد وبينا اميال واميال كل ده عشان نختار قالب للمدونة يعجبنا احنا الاتنين كانت شورة ايه دى بس اللى تخلينا نعمل مدونة سو
ا

اى نعم هى الفكره بتلوح فى الافق منذ زمن _ حلوه بتلوح دى مش كده_ واى نعم كل مره الفكرة لا تتعدى ان احنا نفضل ندور على اسم وبعد اقتراحات ومقترحات – ياريت حد يبقى يقولى الفرق بين الكلمتين ومفيش اختيارات ومفيش جوايز للاجابات الصح –المهم ان كل مره نفكر ونفكر والافكار تفضل كلام على الشات بينا الا ان اتى اليوم اللى لو كنت اعرف انه هيبقى كده كنت دفنت الفكره من زمان ومطلعتهاش للنور ابدا ابدا كويس ان احنا لسه اصحاب ومش خسرنا بعض يا يوما بعد كل الاختلافات والخلافات – ومتنسوش الفرق برضه- فى ان احنا نلاقى قالب يناسبنا احنا الاتنين
المهم احنا عملنا المدونة دى نهيس فيها سوا سايكو دى انا يعنى وخرطيشين دى يوما تهيس بالليبي يعنى ومن هنا ومن موقع بلوج سبوت ومن مصر وليبيا اعلنا نحن انا ويوما ان احنا نعمل مدونة ليبية مصرية تهيسيه خرطيشنيه طحن جدا كأننا قاعدين على المصطبة بالظبط لالالالا مش هنم ولا هنجيب فى سيرة الناس احنا بنجيب سيرتهم فى الشات بس نيهاهاهاهاهاهاهاهااهاهاهاهاها


المهم بقى انا عايزه اقول حاجه كان المفروض اقولها الاول بس بصراحة كان خلاص ناقصلى تكة وانهار من اللى بيحصل بينا واخر مزهقت قولتلها انا موافقه وابصملك بالعشرة على اى قالب واى اسم المهم تتعمل قبل محد فينا يجراله
حاجه

فى تلك اللحظه اللى انا بكتب فيها البوست ده ويوما بتعمل فى المدونة وبتحط القالب اكتشفنا ان القالب فى مشكلة عاااااااااااااااااااااااااا اهئ اهئ اهئ اهئ هنعيد الكره من الاول وانا اصلا مسافره الصبح ياجدعان والمفروض اقوم انام ولسه ورايا مكوى - انا بكره المكوي جدا- ومش هقوم بقى غير لما نعمل المدونة وانزل البوست ده – على فكره النت بيفصل عند هيام كل شوية وشكلى هنام من غير منزل البوست ده


هيامى حبيبة قلبي – محدش يفهم غلط- اخيرا هنهيس سوا على مدونة واحدة ولاقينا حته تلمنا غير شات الياهو اللى زهق مننا اكيد ومش راضى يقول مراعاة لمشاعرنا الرقيقة – اه رقيقه حد عنده مانع – المهم ياحبيبتشى نكلم جد بقى مع ان احنا جينا هنا مخصوص عشان منكلمش جد نهائي بس حقيقى انتى حد انا حسيته قريب جدا رغم المسافات اللى بينا وبحس بروحك معايا وانا بكلمك بحس انى شايفاكى انتى صاحبة جدعه جدا بجد اى انعم انتى لمضة قوى بس مش مشكلة هو الجيل بتاعكو كده يابنتى هعمل ايه مضطره استحملك زى صاحبتى برضه


حاجه كمان ياجماعة البت هيام دى بتكلم مصرى كويس جدا بحس اصلا انها من شبرا حافظه كل المصطلحات المصرية بتاعتنا فظيييييييييييعه ملهاش حل كتير بقولها انى لازم اشوف البطاقه بتاعتها جايز ده برضه من الاسباب اللى بتخلينى احسها قريبة جدا ممكن برضه بحسها من الناس الحقيقيين جدا فى حياتي


فى ناس بنحبهم رغم بعدهم مفيش سبب واضح عشان كده انا لما بحب حد مش بسأل نفسى انا بحبه ليه مفكرتش انا بحبها ليه بس اهو بحبها وخلاص جايز عشان نوطد العلاقات المصرية الليبية من اجل وحده الامة العربية على اساس مثلا انى انا بمثل مصر كلها ويوما بتمثل لبيبا كلها وان احنا سفرا او وزرا هههههههههههههههههه المهم انى بحبها وخلاص تصبحوا على خير لان احنا الاتنين هنجنا جدا هى وراها شغل الصبح وانا مسافرة وجيبنا جااااااااااااااااااااااز كان معكم من جمهورية مصر العربية رحيل

22 comments:

youma said...

ههههههههههههههههههههه
يابت ياقروبة انتي كتبتي كل ده وانا بدور على تيمبل حرام عليكي يامفترية طب كنتي تستري علينا ايه الفضايح دي
وعلى فكرة بقى الفرق بين اقتراحات ومقترحات هو ان الاقتراحات اننا نقول على حاجة نعملها والمقترحات هي اننا منعملهاش هههههههههههه
ماعلينا الخرط يعني التهييس عندنا وخرطيشن دي يعني هيبة للكلمة عشان متبقاش هايفة عشان البريستيج يعني ..على فكرة بقى النت بيفصل كل شوية وانا بكتب التعليق المش عايز يخلص ده هههههههههه هي مدونة وشها يقطع الخميرة من البيت على فكرة بس وحياة امه حتتعمل حتتعمل متأليس أم مين هي كده امه وخلاص ..
ومشكورة يافندم على الكلمتين لي يرمو العظم دول الدعاية كانت مية مية ده نص البوست دعاية عشاني بس بالذمة لماضتي دي مش احلا حاجة فيا؟؟ انا اموت واعرف اش معنى شوبرا مية مرة قولتلك انا من كفر الحداية من منطقة متعرفيليهاش مطرح

على فكرة انا قلبت المدونة راسا على عقب أوعي تقولي تلت التلاتة كام اهو الناس كلها شايفة معايا تصريح اعمل لي انا عاوزاه وكلهم شاهدين عليكي وشايفة الإمضاء بتاعتك ههههههههههه انا غيرت القالب ياستي عشان المشكلة قوم ايه وانا بغيره الوان البوست ماركبتش على الشكل الجديد قوم ايه غيرت الوان البوست وانا بغيره بصيت لقيت الصورة بتاعت البوست اختفت اااااااااااااااع ماتمديش ايدك انا بقولك اهو حأضرب حأعيط ههههههههه المهم قوم ايه قعدت ادور على صورة للبوست واضطريت يعني بالاخر اغير كل حاجة عملناها مبارح وكويس انك مسافرة ههههههههههه حتيجي متعرفيش تدخلي المدونة حتقولي انا مشبهة على المكان ده انا شفته قبل كده فين؟؟؟ هو اسمي مكتوووووووووووووب؟ طيب
خلاص انا تعبت من الرغي صراحة تصبحي على خير
هههههههههههههههههه ماكان الياهو ارحم

Anonymous said...

مبرووووووووووك مبروووك عالمدونة يا جماعة اتولدت هي وعربتي الجديدة فيوم واحد...:D
ان شاء الله تكون وش السعد عليكو انتو الجوز وربنا يبعتلكو عرسان ويرزقكو على قد نيتكم ويسعدكم
اه عارفة ان انتو حسيتو ان انا بأشحت بس الله الغني...
انا بادعيلكم بس ماتفهموش غلط...:)
تحياتي لرحيل الي انا باسمع عنها كتيييييييييييييير من يوما والي حبيتها من غير مااعرفها وربنا يخليكو لبعض ويدوم الوحدة العربية .....
انا حبقى اجي كتير هنا اصلي حبيت المكان شكله يفتح النفس وروش وكووول
يلا سلام دلوقتي يا حلوين

بيسو....

may said...

السلام عليكم

مبروك مبروك

تدوينة نشطة مفعمة بلحيوية

قالب اكثر من روعة

نورتوا رحيل يوما

وخيتكم ميووش

رحــــيـل said...

هيامى

حبيبة قلبى
هى فعلا مدونةوشها يقطع الخميره من البيت ههههههههههههه انتى قومتى وانا قولتلك ربع ساعه عشان اختار قالب تانى لان اللى انتى حطتيه كان فى مشكله وانا من ساعتها بقالى ساعتين ونص طالع عينى انى الاقى قالب مناسب والمهم انه يكون مفهوش مشاكل فنيه وانا اصلا جايه من السفر خلصانه
بس ولا يهمك انا كمان قلبت المدونة تانى راس على عقب مش عارفه احنا هنستقر امتى يابنتى لو مش عجبك براحتك اعملى اللى انتى عايزاه بس ياريت قبل متنزلى قالب تتاكدى ان شغااااال لانى بقيت معقده خلاص ده انا كنت ناويه اغير قالب مدونتى بس مين ده انا هسيبها كده لحد مريحتها تطلع هههههههههههههههههههه

تصدقى فعلا الياهو كان ارحم
بس الميزه ان المدونة هتبقى شاهده على مر التاريخ على جنانا وصدقاتنا ياحبى
كفايه رغى بقى عشان انا عايزه انام القاكى غدا

رحــــيـل said...

بيسووو

منوره ياقمر
الله يبارك فيكى
واميييييييييين انا وانتى ويوما وكل البنات بس لما نبقى نلاقى رجاله عدله
هههههههه
ومبرووك العربية مشفتش الصور يعنى
ماليش دعوه يعنى كمان مروحتش معاكم البحر وكمان
مفيش صور

انا كمان يوما كلمتنى عنك كتير
فى انتظارك تنورينا دايما

رحــــيـل said...

مى


وعليكم السلام ياجميله
ياهلا ياهلا بيكى

شكرا جدا على مرورك وتعليقك
معلش هو القالب اتغير ولسه ده كمان هيتغير هو تقريبا احنا هنقضى المدونة دى تغير قوالب
هههههههههههههههه
نورتينا

ديالا said...

رحيل

مبروك علي المدونه ياحبيبتي

وبحييك علي زوقك في اختياار القالب وبعدين لازم انورك واقولك حاجه انتي تروحي الشهر العقاري وتكتبي عقد الشراكه دي ماشي في حضور لفيف من المحامين المصريين والليبين لانها طبعا مش اي مدونه دي مدونه تاريخيه ولا ايه؟


اتكلم بقي بجد شويه المدونه باذن الله هتكون مدونه رائعه بغض النظر عن الاسم الي بحاول اترجم فيه بس مفيش مشكله بكره ربنا يكرمني واصل للترجمه

بس بجد انا واثقه من انك تقدري تخليها رائعه انتي وهيام وربنا يوفقكوا

dandana said...

يا نهااااااااااااااااااار يا بنت يا سوسة

ياما تحت السواهى دواهى


وانا اللى كنت مفكراكى عسولة بقى ورقيقة بعنيكى الملونة دى



قال عسولة قال

المهم يا ولاااد الف وتريليون مبروم عليكى انتى وهيام


دا انتو فضيحتكو هاتبقى بجلاجل..دا انتو وكستكوا هاتبقى بحناجل


نياههاههاهاهاهاهاهاه

S.Hamid said...

وانتصرت الخمية ع القصر
...........................

ربنا يجمعكم ديما ع الخير والف مبروك ع المدونة .. وان شاء الله نشوف منكم كل شيء مفيد

ديالا said...

سوري يارحيل تقريبا اتلخبطت بس بدل مااقول يمني قلت هيام

بجد سو سوري غلطه غير مقصوده ربنا يوفقكوا

رحــــيـل said...

ديالا

اهلاااااا ديالا ازيك
الله يبارك فيكى عايزه اقولك ان القالب اتغير بعد البوست منزل يجى عشرين مره هههههههههههههه
احنا وصلنا فى الاخر ان المهم مش شكل القالب المهم انه يطلع من غير عيوب
ده شغال عايز يتغسل بس هنبقى نغسله ونعصر ونكوية ونفرشه تانى هههههه

شوفى موضوع تسجيل الشهر العقارى ده انا اصلا عايزه اعمله فى مدونتى التانيه بقالى مده فعلا

شكرا ليكى جدا

رحــــيـل said...

دندنة

ههههههه ايه الداخله دى بس هو انا عملت ايه يامي
يويا

هو انا طلعت مش عسوله ولا رقيقه ؟؟؟؟
عشان تعرفى دى قدرااااااااااااات يابنتى هضيف لقدارتى انى ممثله بارعه نيهاهاهاهاهاهاهاهاها
شوفتى بقى وما خفى كان اعظم عشان متخديش بالشكل تانى

وبعدين جلاجل وحناااااااجل ياميت مسا على التهيس ياباشا
سايبه مذاكرتك وجايه تهيسي معانا ده اسمه كلام
خلصى والمدونة فاتحها ابوبها للجميع

ربنا يخليكى يااحلى مى فى الدنيا

رحــــيـل said...

S.Hamid


اهلا سراج منور ياافندم
شكرا جدا ليك مشاركتك معانا على ناصيه بلوج سبوت انتظرونا كل يوم فى نفس الميعاد اللى هو ايه امتى بالظبط مش عارفه
بس انتظرنا وخلاص
:)
تحياتى

رحــــيـل said...

ديالا حبيبتى

هى صح هيام
بس دلعها يوما
فتلاقينا حبه اقول هيام
وحبه يوما
مش غلطه ولا حاجه ياقمر

عاشقه الرومانسيه said...

انا هابارك لكم على المدونه الجديده
واحجز مكان
وارجع تانى علشان اقراها

همس الاحباب said...

الف مبروك المدونة
وبالتوفيق دائما
وتحيا الوحدة العربية
تحياتى وتقديرى

rovy said...

السلام عليكم
مبرووك المدونه و ربنا يجمعكم دايما فى الخير يارب
و يوفقكم دائما

خالص تحياتى

Diyaa' said...

زين ما اخترتوا والله :)))

وبعدين شكراً للدش وللمهاجرين
اللهجة المصرية بقت زي الأوكسجين.متاح وبسهولة شديدة


المهم بعد المبروك المتأخرة ..خدي بالك الكلام بيحدف يمين يا ست سارة ..هو التهييس طبع علي المدونة أعتقد..أبقي فكريني أقولك تضبطيها ازاي
سلام

وربنا يخليكم لبعض :)

رحــــيـل said...

عاشقة الرومانسية

اهلا بيكى
الله يبارك فيكى ياقمر
فى انتظارك
:)

رحــــيـل said...

همس الاحباب

اهلا خالد
منووووور يا ابو همس
شكرا ليك
ربنا يخليك
:)
تحياتى وتقديرى

رحــــيـل said...

روفى

وعليكم السلام

شكرا جدا على مرورك زيارتك
ربنا يكرمك يارب
تحياتى ومودتى

رحــــيـل said...

ضياء باشا

منور
زين ما اختارنا دى على القالب ولا الاسم ولا ايه التهيس ههههههههههههههه
الله يبارك فيك
هو انا مش واخده بالى الكلام بيحدف يمين ازاى
هى المدونة اصلا دى نحس نحس الصراحه مش عارفه انا ويوما هنكمل سوا ازاى فى ظل الاوضاع الراهنه والحاجات الغريبة اللى بتحصل هنا
ربنا يستر

ابقى عرفنى اظبطها ازاى
شكرا جدا ليك

Post a Comment