RSS

Thursday, September 9, 2010

وبعد سنة برضه عيد سعيد


وتمر الأيام سريعاً لا ندرى كيف تمر ولا كيف تجري بينا الا حين نجدها قد فاتت وهي تحمل فى طياتها الكثير كانت اخر تدوينة هنا بمناسبة عيد الفطر للعام الماضى لا ادرى كيف مضينا اشهر دون ان تضع احدنا كلمة هنا

ايه اللى انا بكتبه ده ايام ايه وليالي ايه معلش يا يوما يا اختى الجلالة خدتنى ونسيت اننا عاملين المدونة دى للتهيس يعنى مش للكلام المعقد ده اصل انا داخلة اقول كل سنة واحنا بنعيد مع بعض هنا لاقيت طبق الكحك لسه هنا بحطة ايدى من السنة اللى فاتت وريحته بعد ماعفن ماليه المدونة ففتحت الشبابيك ونفضت التراب قبل ما تيجى تفضحينا وتقوليلى احنا نقفلها احسن بدل الركنة دى
بقى بزمتك تهون عليكى المدونة نقفلها اى نعم هى مهجورة بقالها سنة ياخبر سنة عدت كده من اخر بوست انا نزلته فيها  زى اليومين دول الايام فعلا بتعدى بسرعة ولا احنا اللى اتعودنا على ان الايام بتيجي عشان تخلص فبقينا مش بنحس بيها وهى بتجري
عدت سنة من عمرنا هو انا قولتلك قبل كده يا مضروبة انى بجد نفسي اشوفك قبل ما اموت عااااااااااااااااااااااااااااااااااااااااا لاء ماهو مش معقول هنقضيها نت كده شوفى احنا لو فقدنا الامل نعمل زى ما قولتلك قبل كده نتقابل ع الحدود ونشاور لبعض من وراء الاسلاك الشائكة - ايه موضوع الاسلاك الشائكة دى تفتكرى فعلا ع الحدود اسلاك بتكهرب وكده - لو كده خليكى فى بيتكم احسن انا صرفت نظر خلاص مالو النت العمر مش بعزءة ولو ماسعتناش الدنيا نتقابل فى الاخره على خير اهئ اهئ اهئ بس تفتكرى هنعرف بعض من غير اميلات وفيس بوك ومدونة مممممم ابقى حطة وردة في شعرك او انا هلبس جزمة حمرا عشان مانتهوش من بعض بس ونقدر نعرف بعض قال يعنى مش هاريين بعض صور فى كل المناسبات وحافظين شكل بعض

المهم يعنى كل سنة وانتى طيبة بما ان عيدكم قبلنا بيوم وهتفطروا بكره ربنا يجعله عيد سعيد عليك يارب

ملحوظة 
بعد ما تخلصى طبق الكحك شيليه من هنا عشان الصراصير والدبان وكل الكائنات الحشرية اصل عندى فوبيا
ابقى حطيه فى التلاجة ده لوفاض منه حاجة يعنى ومخلصتيش عليه كله

3 comments:

Anonymous said...

هههههههههههههههههههههههههههههههههههههههه
والله انت عسل يارحيل عسل بجد
كل سنة والوحدة العربية متمثلة فيك وفي يوما بخير وديما مع بعض يارب ويارب يارب تتقابلو فيس تو فيس عن قريب اصل بجد صعبتو عليا وانتو متشحتفين على صفحات المدونات والفيس بوك بقالكم سنين :(
انا كمان نفسي اشوفك على فكرة :)
كل سنة وانت ويوما بألف خير يااااااارب

بيسو..

Hayam said...

صراع يدوي بداخلي
ينخر أجزائي
يدمر أعمدة وصلي
ويبني حواجز الصمت
يعيق وضوح الحب
ويسكنني.....بالندم
يتركني بين ألام الماضي ووجع الحاضر
يخيرني بين كبريائي وإحتياجي
بين حبي وكسراتي


لأ هي والله متهونش عليا طبعا
بس ايه البوست الي بيشر نكد ده الايام بتجري وسنة عدت والايام بتيجي عشان تخلص اييييييييييييييييه انتي قاعدة في صوان ياشيخة
هههههههههههههههههههههه ده الصور لي موجودة عندك يمكن ابويا وامي معندهمش زيهم يابنتي انا ضربت الرقم القياسي في سيند بيكتشرز هههههههههههههه ولسة مش حتعرفيني ده انتي حقك دلوقتي ترسميني وتكتبي تحت الصورة مطلوب للعدالة فورا
كل سنة وانتي طيبة ياحلووووووووووووة وانا خدت الحاجة لي فوقيها شكلاتة بيضا اصلي بحب الشكلاتة البيضا
وانا كنت مبسوطة اني شفتك عبر شاشات التلفزيون اهو الواحد خد فكرة قبل ميتصدم في حقيقة الواقع المرير هههههههههههههه سلام يااحلى بنت فمصر

يتركني....أتخبط جدراني بهدوء
ويرميني في أبعد نقطة عن عتبات الراحة

Anonymous said...

مبارك عيدكم يا أهل الحياة

Post a Comment