سيــــكو خرطيشن

وحشتيني

2011-04-12T18:53:00.000+02:00

ربنا يحرقه ابن المجنونة القذافي اللي قاطع النت .. هو طبعا عمايله السودة اكثر من قطع النت بكتير ويستاهل اكتر من الحرق بس يعنى كان يسيب النت ع الاقل عشان اعرف ارغي معاكي واطمن عليكي .. وحشتيني

احلى عروسة فالمحروسة

2011-03-02T18:02:00.002+02:00

اليوم اغلى انسانة على قلبي

سترتدي من الأبيض مايضفي على جمالها

اشراقا ناصع كبياض قلبها الدافيء

ستتشابك الأيادي للتصفيق وستتعالا الزغاريد

وسيرقصون حولها الصبايا

وسيرتدي عريسها اليوم اجمل ماقد يرتديه

في حياته ليقابلها بطلة بهية

تليق بروائع ملامحها الفاتنة

اليوم سيعتصر قلبي بعض الألم فاليوم لن اراها

لن استطيع ان اقبلها وابارك لها وله يومهما هذا

ولن ترتجف يداي

عند سماعي طبول الزفة

وسقوط اول دموع الفرح

بي من الحزن مايكتظ بحلقي

وبي من الفرح لها مالايسعه قلبي

بي من الدعاء مالا تقتصر عليه الآيات

وبي من الحنين لرؤيتها مالا تعبر عنه الكلمات

الف مبروك لأغلى البشر

وبعد سنة برضه عيد سعيد

2010-09-09T00:39:00.002+02:00

وتمر الأيام سريعاً لا ندرى كيف تمر ولا كيف تجري بينا الا حين نجدها قد فاتت وهي تحمل فى طياتها الكثير كانت اخر تدوينة هنا بمناسبة عيد الفطر للعام الماضى لا ادرى كيف مضينا اشهر دون ان تضع احدنا كلمة هنا

ايه اللى انا بكتبه ده ايام ايه وليالي ايه معلش يا يوما يا اختى الجلالة خدتنى ونسيت اننا عاملين المدونة دى للتهيس يعنى مش للكلام المعقد ده اصل انا داخلة اقول كل سنة واحنا بنعيد مع بعض هنا لاقيت طبق الكحك لسه هنا بحطة ايدى من السنة اللى فاتت وريحته بعد ماعفن ماليه المدونة ففتحت الشبابيك ونفضت التراب قبل ما تيجى تفضحينا وتقوليلى احنا نقفلها احسن بدل الركنة دى

بقى بزمتك تهون عليكى المدونة نقفلها اى نعم هى مهجورة بقالها سنة ياخبر سنة عدت كده من اخر بوست انا نزلته فيها زى اليومين دول الايام فعلا بتعدى بسرعة ولا احنا اللى اتعودنا على ان الايام بتيجي عشان تخلص فبقينا مش بنحس بيها وهى بتجري

عدت سنة من عمرنا هو انا قولتلك قبل كده يا مضروبة انى بجد نفسي اشوفك قبل ما اموت عااااااااااااااااااااااااااااااااااااااااا لاء ماهو مش معقول هنقضيها نت كده شوفى احنا لو فقدنا الامل نعمل زى ما قولتلك قبل كده نتقابل ع الحدود ونشاور لبعض من وراء الاسلاك الشائكة - ايه موضوع الاسلاك الشائكة دى تفتكرى فعلا ع الحدود اسلاك بتكهرب وكده - لو كده خليكى فى بيتكم احسن انا صرفت نظر خلاص مالو النت العمر مش بعزءة ولو ماسعتناش الدنيا نتقابل فى الاخره على خير اهئ اهئ اهئ بس تفتكرى هنعرف بعض من غير اميلات وفيس بوك ومدونة مممممم ابقى حطة وردة في شعرك او انا هلبس جزمة حمرا عشان مانتهوش من بعض بس ونقدر نعرف بعض قال يعنى مش هاريين بعض صور فى كل المناسبات وحافظين شكل بعض

المهم يعنى كل سنة وانتى طيبة بما ان عيدكم قبلنا بيوم وهتفطروا بكره ربنا يجعله عيد سعيد عليك يارب

ملحوظة

بعد ما تخلصى طبق الكحك شيليه من هنا عشان الصراصير والدبان وكل الكائنات الحشرية اصل عندى فوبيا

ابقى حطيه فى التلاجة ده لوفاض منه حاجة يعنى ومخلصتيش عليه كله

عيد سعييد

2009-09-20T16:48:00.002+02:00

كل سنة وانتى طيبة يا يوما
عيد سعيد يارب دايما عليكى وعلى كل الناس
وده طبق الكحك اللى كان على الفيس بوك
احسن ما تفضحينى انا عارفاكى
وبلالين كمان اى خدمة دايما كده مغرماني

تهييس على الفيس بوك

2009-07-13T00:07:00.009+03:00

هيام.......انا كنت قاعدة في امان الله كافية خيري شري وإذ طلعالي رحيل من براثن الأرض قال ايه مهيسة ومش لاقية غيري قال يعني هي لو في موودها العادي حتلاقي غيري ماهو مافيش غيري يستحمل يا شاطرة..المهم ماعلينا اعمل خير واكسب فيها ثواب ماعجبهاش إلا البروفايل بتاعي على الفيس بوك عشان تتنطط فيه وتعمل هوليلة مابعدها هوليلة وفضحتني وسط صحابي وكان لي كان واليكم نص الخناقة وفرش الملايات على الملأ وعلى صعيد الفيس بوك

رحيــــــل.........طبعا البوست ده مفأجة مفأجة يعنى اصلى اللى حصل ايه كان ياماكان ياساره يا هيام كانوا على الفيس بوك فى يوم من الايام وانا الصراحة كنت مهيسه مهيسة يعنى وكان لازما ولابد وحتما اطلع نفسى من موود معين كنت فيه بدل ماكنت اطق مثلا قوم ايه بقى ياجدعان فتحت الفيس بوك اشوف الناس اخباراتها ايه وملاقيتش حد قدامى اشتغله ويكون مننا وعلينا الا يومتى حبيبتى وقد كان وصدقت نبوئتي وكان تهيس معتبر الصراحة وخرجنى من المود الزفت اللى كنت فيه واليكم التفاصيل

الاخت هيام كانت ايه بقى كاتبه فى الاستتيوس بتاعها ايه swimming يخلصكم كده تكتب سويمنج من غير ما اشجعها ههههه وقد كان الحوار التالي

Sara Tobar at 8:39pm July 12
سومينج ؟؟؟؟ بتعومى يعنى مش كده هو كده بجد بجد طيب بتعومى فيييييييييييييين قولى قولى متكسفيش عندنا بنقول ترعه مش عارفه عندكم بتقولوا عليها ايه هههههههه بس حاسبى تغرقى فى شبر ميه

Hayam Kamel Araab at 10:27pm July 12
رحيل ترعة مين يا بت يا ام ترعة انتي غوري احسن ارشك بمية قاز انا مش طايلة اروح البحر اتفرج عليه من بعيد وتقوليلي ترعة ماتلمي نفسك وتروحي تدوريلك على حتة تلعبي فيها

Sara Tobar at 10:31pm July 12
مش عارفه ليه حاسه ان شويه وهيتفرشلى الملايه يالهوى عليكى ملكيييييييييش حل انتى قولتيلى انتى منين؟؟؟؟؟

Hayam Kamel Araab at 10:32pm July 12
من ليبيا من كفر قصدي من قرقارش اطلعي منها با بت قبل مايتفرشلك الملاية

Sara Tobar at 10:37pm July 12
هو ايه اصله ده ؟ هى لسه وصلة الردح مستمره ولا ايه ؟ ياااى سوفاج ايه اللى انتى بتقوليه ده ههههههههههههههه

Hayam Kamel Araab at 10:40pm July 12
هههههههههههههههههه سوفاج ماتاكلي خس وتريحينا من صداعك يا بت انتي حتعمليهم عليا نعم ياروح اوووووووميك؟. وشوووووووووبش

Sara Tobar ولا ايه الصوره دى يالهووووووووووووووووووووى انتى يابت راحه ماتش كوره ولا ايه حاسه ان عندك اليومين دول ميول رياضية حبه سومينج وحبه كوتش برافو عشان ليقاتك تعلى وتبقى فله هبقى اقولك على الميل بقى عشان الفضايح

Hayam Kamel Araab at 10:36pm July 12
انتي طالبة النمرة غلط ياماما متوريني عرض كتافك وتغوري هو ايه لي قاعدة تتنططيلي هنا وهناك اخرجي ياماما اخرجي مش مكانك

Sara Tobar at 10:40pm July 12
كمان اغووووووووووووور ياوقعتك الهباب اللى مش فايته هو انا عشان سكتلك يابت هتطولى لسانك ولا ايه لااااااااااااااااااااااا والف لااااااااااااااااااااااااااا ده احنا ياماما لا اى اى ولا زى زى هعوووورك يعنى هعورك
يالا هنرش ميه ياشاطره خليكى فى الترعه اللى بت سويمينج فيها

Hayam Kamel Araab at 10:42pm July 12
هههههههههههههههههههههههههههههههههههههههههههههههه حوشي لي وقع منك ايه ده سارقاهم من انهي داهية الغويشتين دول يابت وتعالى تفرج تعالى شوف البت اياها بتلعب على المكشوف بتسرقي يابت بتأكليهم الأونطة لي بتشتغلي عندهم؟؟ وشووووووووبش وتعالى تفرج تعالى شوف البت بتلعب على المكشوف

Sara Tobar at 10:45pm July 12
ههههههههههههههههه نعععععععععععععععم لالالالا كله الا كده ياماما انتى هترمى بلاكى عليا ولا اييييييييه لالالالالا احنا لحمنا مر ياكتكوته ومش احنا اللى نسكت على حقنا يابطة ولا هو اللى على راسه بطحه يا اوختى ؟؟؟؟

Hayam Kamel Araab at 10:50pm July 12
بطحة بطحة ايه يا بتاعت البطايح انتي هههههههههههههه بطة ؟ اما انا بطة انتي تطلعي ايه غزال وماشي بيتسلى؟ وحق ايه جاك كسر حوقك ماتجري يابت تطلعي من هنا احسن ودين النبي ودين النبي لأكون لامة عليك امة لا إله إلا الله يرقعوكي بالصوت ومارجعش شوف وشك هنا تاني يلا يابت يلا على بيتكم ياشاطرة

Sara Tobar at 10:52pm July 12
ياااى طبيعى انا لازم اروح البيت حالا على الاقل اروح سليمه اصلى حاسه انى لو فضلت شويه كمان هروح بعاهه هو انتى سايبينك كده ازاى؟؟؟؟؟ طلعولك تصريح خروج امتى ؟؟؟ شكلك هربانه اساسا هههههههههههههههههه

Hayam Kamel Araab at 10:56pm July 12
هههههههههههههههههههه طب تعملي طيب يلا نهيس هناك في مدونتنا بقى اصل البروفايل بتاعي بقى مسخرة الناس مش متعودين على الوش الكحلي ده يخرب بيتك فضحتينا

Sara Tobar at 10:42pm July 12
هههههههههههههههه انا بقول نكمل فضايحنا دى على الميل ياهيامى عشان الناس ملهاش ذنب حصلينى على الميل يا اوختى

Hayam Kamel Araab at 10:46pm July 12
حاضر يا شااااااااابة هههههههه

صوريصار يامسعود

2009-06-12T01:48:00.006+03:00

ايون والله صوريصار يامسعود يامين يجيبك ليه دلوقتى يامسعووود

المصيبة السودا بقى انى معنديش مسعود اقوله على الصورصار اللى قلق راحتى وفضل مسهرنى للفجر وانا راجعه من السفر تعبانه وهموت وانام واذ فجأة سمعت صوت بيخرفش احم احم تهيؤات يابت اتغطى كويس وسدي كل المنافذ اللى ممكن هذا الكائن المؤذى انه يدخلك منها فأشد الغطا على عنيه حسيت انى هموت قولت ما بدهاش بقى اصحى اختى الصغيرة

انا : جوجو جوجو

وانا بزق فيها بحنية طبعا عشان تصحى وهى ولا هنا

وبكل رقة وادب ترد هى عليا :عايزه ايييييييييييييييييييييه كان ناقص تطلعى المطوه اللى تحت المخدة

انا : قومى نورى النور بسرعة

هى : ليييييييييييييييييييييييييييييه بكل هدووووء طبعا

انا :عشان فى صورصار فى الاوضه

جوجو قامت وهى طبعا ناقصلها تكه وتولع فيا لانى اصلا انا اللى نايمه على طرف السرير ناحية مفتاح الكهربا مش هى

فتحت النور بكل شياكة وبصيتلى وبصوت عذب قالتلى وهى كاتمه غيظها باسنانها : هو احنا هنام فى النور ولا ايييييييييييه؟؟؟؟؟؟؟؟؟؟؟؟؟؟؟؟

طبعا كنت انا اول مالنور نور قومت جرى ابحث عن مصدر الصوت وبعد متأكدت ان هذا المدعو صورصار كان فوق السرير وان اول منورنا نزل جرى تحته وانه مازال حى يرزق كان استحاله ان انا وهو نفضل فى مكان واحد كان حد فينا لازم يضحى ويسيب الاوضه وطبعا لان الصورصار اكيد شقيان طول النهار ياعينى وبيجرى على كوم صراصير ياعيني قومت انا بقى رفقا به وبعائلته المصرصرة ياعيني قررت اتنازل واضحى واسيبله الاوضه والشقه كلها قولت ادى لجوجو خبر عشان تبقى على علم –واهو اخوفها وتبقى مصلحه تطلع معايا تنام فى الشقه اللى فوق لانى بخاف انام لوحدى -

تقوم تقولى وايه يعنى صورصار وراحت نامت وكانى بشتكيلها من ناموسه مثلا

روحت انا بقى زى الشاطره خدت مفتاح الشقه اللى فوق وطلعت كانت الساعه 2 بليل طبعا انا اصلا بخاف انام لوحدى رغم انى كنت خلاااااااااص خلصانه جدا ومرهقه وهمووووت وانام فاضطريت مضطره افتح النت تانى اهو ونس برضه وقعدت اون لاين وشاركت كل السهرانين معايا من كل ارجاء مصر المحروسه على الفيس بوك والميل وحكتهلم حكاية الصورصار اللى بسببه معرفتش انام ولا اروح الشغل تانى يوم لانى طبعا انا مش نمت لحد ماهو خرج راح ع البلاعه اللى فى اول الشارع عشان يفطر ويجرى على رزق عياله صراصير مكافحه فعلا وانا بقى امة محمد تتصل بيا م الشغل لان كان لازم اروح وعندنا لجنه وانا طبعا مش نمت غير بعد الفجر عملت تليفونى صامت وسيبتهم يرنوا

المهم بقى كان فى حد من المعلقين على الفيس بوك شايف ان ايه يعنى صورصار ايه اقصى حاجه يعملها يعنى يمشى عليا ؟ وبيتسائل وكأن ان صورصار يمشى عليا ده حاجه عادى كده يعنى

ياااااااااااى كائنات مقرفه فعلا ولما بقى ادوخها بالمبيد وانده لجوجو تموتها وتفعصها وتطلع دم ابيض يععععع حاجه قرف جداااااااااا ويسلام لو كان صوصو بيطير تبقى كملت

انا بكررررره الصراصير جدا روحت تانى يوم اشتريت ريد عشان انتقم نيهاهاهاههاهاهاها وشنيت حرب شنيعه عليهم وتم القضاء على العائله بأكلمها ولدينا اسرى فى برطمانات للى عايز يشمت ويحتفل معايا ونرفع سوا شعار حياه بلا صراصير ولو حد عايز يشرح برضه احنا فى الخدمة

المشكله انى بقيت مصرصره كل شويه اتخيل ان فى صورصار بيطير ومش يطلع فى حاجة بقى عندى فوبيا صراصير بجد حاجه مش معقووووله بكررررررررهم

وطبعا من هنا ظهرت اهمية مسعود فى حياة كل بنت

نصيحة مهمه جدا لازم يابنات يكون فى حياتكم مسعود

واهو ظل مسعود ولا ان انك تكون بفوبيا الصراصير موعود

ليبي مصري ..مصري ليبي

2009-06-02T00:23:00.000+03:00

بسم الله ابدأ اتكلم
مصري ليبي ؟ ليبي مصري؟؟
ليبي مش حيفهمو الجماعة المصريين وبنقعد نفسر ونشرح وموضوع وفيلم هندي مصري؟؟
بنوضولي الليبيين كيف وعلاش وخيرك ماتدويش ليبي ؟؟
حيقومو الدنيا مش حيقعدوها اخوانا الليبيين هههههههه
:D قصدي من الأخير بندوي ليبي

والمشكلة ان رحيل اول وحدة مش حتفهم حاجة ولا حتعرف تفسر اي كلمة من الكلام لي مكتوب
اول ماعرفت رحيل اضطريت نتكلم مصري لأن لو تكلمت ليبي مش حتفهم مني حاجة جربت في الأول نجبرها على الأمر الواقع بس ولا الهوا لقيت روحي نتعب فروحي اني ونضيع فوقتي على الفاضي وفي الاخير نضطر نقدم ترجمة لكل لي قولته وهكذا اجبرتني على اني نتكلم مصري واني لو حطوني فمصر

مستحيل نتكلم مصري لأني جبانة مش اكتر منعرفش نتكلم إلا ليبي مع العلم اني لما نتكلم معاها كأني جاية من اب وام مصريين

الموضوع لي لقيت روحي منقدرش نتكلم في اي حاجة قبل مانتكلم فيه هو ان الليبيين بصفة عامة قادرين يتكلمو اي لهجة وقادرين حتى يتكلمو بمصطلحات اي بلد عربي منغير مايتعبو ويتعلمو اللهجة

في حين ان الليبيين لو تكلمو على الأغلب مش حيلاقو سهولة انهم يقدرو يوصلو الكلام للشخص العربي لي قاعد يسمع فيهم مع ان اللهجة الليبية مش صعبة هلبا زى التونسية والمغربية والجزائرية تعتبر اللهجة الليبية اقل غموض من باقي اللهجات المغاربية

في اي تشات رووم فيه اكتر من قطر عربي حتلاقي الليبي قادر يتكلم اي لهجة بينما من الصعب تلاقي

اي حد يتكلم ليبي وبما اننا كلنا قطر عربي واحد فمفيش حساسيات في موضوع اللهجات

إلا انه في استفسار ديمة يخطر ببالي علاش الليبيين ديمة مستعدين انهم يتكلمو اي لهجة كانت

بينما مايلاقوش اي حد قادر انه يتكلم لهجتهم في اي وقت؟

مساء التهيس

2009-05-28T00:45:00.000+03:00

لالالالا مش معقول مش مصدقة إنى بدأت اكتب في التدوينة دى بعد اكتر من ساعتين بنشد فى شعر بعض وكل حد فى فينا فى بلد وبينا اميال واميال كل ده عشان نختار قالب للمدونة يعجبنا احنا الاتنين كانت شورة ايه دى بس اللى تخلينا نعمل مدونة سوا

اى نعم هى الفكره بتلوح فى الافق منذ زمن _ حلوه بتلوح دى مش كده_ واى نعم كل مره الفكرة لا تتعدى ان احنا نفضل ندور على اسم وبعد اقتراحات ومقترحات – ياريت حد يبقى يقولى الفرق بين الكلمتين ومفيش اختيارات ومفيش جوايز للاجابات الصح –المهم ان كل مره نفكر ونفكر والافكار تفضل كلام على الشات بينا الا ان اتى اليوم اللى لو كنت اعرف انه هيبقى كده كنت دفنت الفكره من زمان ومطلعتهاش للنور ابدا ابدا كويس ان احنا لسه اصحاب ومش خسرنا بعض يا يوما بعد كل الاختلافات والخلافات – ومتنسوش الفرق برضه- فى ان احنا نلاقى قالب يناسبنا احنا الاتنين
المهم احنا عملنا المدونة دى نهيس فيها سوا سايكو دى انا يعنى وخرطيشين دى يوما تهيس بالليبي يعنى ومن هنا ومن موقع بلوج سبوت ومن مصر وليبيا اعلنا نحن انا ويوما ان احنا نعمل مدونة ليبية مصرية تهيسيه خرطيشنيه طحن جدا كأننا قاعدين على المصطبة بالظبط لالالالا مش هنم ولا هنجيب فى سيرة الناس احنا بنجيب سيرتهم فى الشات بس نيهاهاهاهاهاهاهاهااهاهاهاهاها

المهم بقى انا عايزه اقول حاجه كان المفروض اقولها الاول بس بصراحة كان خلاص ناقصلى تكة وانهار من اللى بيحصل بينا واخر مزهقت قولتلها انا موافقه وابصملك بالعشرة على اى قالب واى اسم المهم تتعمل قبل محد فينا يجراله حاجه

فى تلك اللحظه اللى انا بكتب فيها البوست ده ويوما بتعمل فى المدونة وبتحط القالب اكتشفنا ان القالب فى مشكلة عاااااااااااااااااااااااااا اهئ اهئ اهئ اهئ هنعيد الكره من الاول وانا اصلا مسافره الصبح ياجدعان والمفروض اقوم انام ولسه ورايا مكوى - انا بكره المكوي جدا- ومش هقوم بقى غير لما نعمل المدونة وانزل البوست ده – على فكره النت بيفصل عند هيام كل شوية وشكلى هنام من غير منزل البوست ده

هيامى حبيبة قلبي – محدش يفهم غلط- اخيرا هنهيس سوا على مدونة واحدة ولاقينا حته تلمنا غير شات الياهو اللى زهق مننا اكيد ومش راضى يقول مراعاة لمشاعرنا الرقيقة – اه رقيقه حد عنده مانع – المهم ياحبيبتشى نكلم جد بقى مع ان احنا جينا هنا مخصوص عشان منكلمش جد نهائي بس حقيقى انتى حد انا حسيته قريب جدا رغم المسافات اللى بينا وبحس بروحك معايا وانا بكلمك بحس انى شايفاكى انتى صاحبة جدعه جدا بجد اى انعم انتى لمضة قوى بس مش مشكلة هو الجيل بتاعكو كده يابنتى هعمل ايه مضطره استحملك زى صاحبتى برضه

حاجه كمان ياجماعة البت هيام دى بتكلم مصرى كويس جدا بحس اصلا انها من شبرا حافظه كل المصطلحات المصرية بتاعتنا فظيييييييييييعه ملهاش حل كتير بقولها انى لازم اشوف البطاقه بتاعتها جايز ده برضه من الاسباب اللى بتخلينى احسها قريبة جدا ممكن برضه بحسها من الناس الحقيقيين جدا فى حياتي

فى ناس بنحبهم رغم بعدهم مفيش سبب واضح عشان كده انا لما بحب حد مش بسأل نفسى انا بحبه ليه مفكرتش انا بحبها ليه بس اهو بحبها وخلاص جايز عشان نوطد العلاقات المصرية الليبية من اجل وحده الامة العربية على اساس مثلا انى انا بمثل مصر كلها ويوما بتمثل لبيبا كلها وان احنا سفرا او وزرا هههههههههههههههههه المهم انى بحبها وخلاص تصبحوا على خير لان احنا الاتنين هنجنا جدا هى وراها شغل الصبح وانا مسافرة وجيبنا جااااااااااااااااااااااز كان معكم من جمهورية مصر العربية رحيل